第一次喝得酩酊大醉

第一次在朋友面前真正的胡言亂語

也許我算不上是不開心

只是真的好想身邊有個人來陪我

在不知不覺間就醉了

第一次有人這般照顧我 原來感覺真的很幸福 <3 div="div">

即使不常見 但我真的很愛你們

True friends mean you can be yourself without any acting.

睇黎我開始鐘意你喇...
但我唔識點樣表達 唔知可以點樣可以令你鐘意我 :(

好驚forever alone
因為連自己都諗唔到自己有咩野係值得人地鐘意...

我要努力 我要爭取自己既幸福

我認我想拍拖架...

不過無從入手

望住自己由鐘意到唔鐘意
由記得到淡忘

原來有d野真係唔係話唔記得就會唔記得
不過係人腦會選擇忘記一d唔想記住既野

望住自己又開始一步一步踩入呢個深淵
我唔知點救自己......

一路尋尋覓覓 好希望可以揾到自己身邊既人
中學既時候 以為自己揾啱人
搞左一輪 原來又係wrong man 又係因為習慣二字出事
每次都比人玩
and eventually I discover that, you don't even treat me as your friend...
但透過呢件事 我都幾肯定自己對你已經咩都無

入到大學 開始驚forever alone
自知條件不是特別優勝
更大問題係發現自己對身邊既人都無與趣
成個pharmacy竟然一個合眼緣既人都無
真係諗起都恐怖

從來對我而言 要對一個人產生好感都唔係一件難事
但今次真係...

直至上莊
其實我本身真係同你唔熟
但唔知點解一上左莊有機會溝通就好啱channel
甚至有d覺得你就係我想揾既人
由有好感開始 慢慢培養
你真係好可愛XD
不過我驚又比人friend-zoned

我唔識點同一個人越來越熟...

我要讀書
我要補習

我想踢波
我想上莊
我想拍拖

想同要之間應該點選擇

我覺得自己最恐怖既係, 我好容易就對一個人有好感, 但同時可以好快就忘記一個人, 快到連自己都覺得有d恐怖
大概係因為, 再冇一個人可以好似你咁...
又或者打從心底裏我都依然掛住你, 只不過我選擇扮作忘記

好似你所講 you can never enjoy what you have unless you have lost it...

差不多上左一個禮拜堂喇
雖然咁耐以黎一直諗緊自己係咪真係鐘意pharmacy, 而結果亦係今日上完COMM1110同PHAR1000之後更加肯定...
不過唔緊要啦, 希望可以讀好pharmacy!!

你又走左喇不過唔緊要啦有whatsapp要傾計都唔難既

成個禮拜無搵過你, 你又無搵過我, 似乎開始忘記你 :)

我成日都覺得，係感情方面，自己實在太衝動，同埋實在轉得太快。
人地成日話巨蟹好長情，都可以話係既，但唔係對住其他人囉...

點解我覺得自己一世都唔會搵到一個真係鐘意我既人...

見到有人要歷盡千辛萬苦，要讀second degree仲要爆GPA先trans到過獸醫
而我好可能淨係比$300就得到呢個offer，仲可能要reject offer

原來呢個世界真係好唔公平

Nevermind I'll find someone like you.

其實我好驚，如果我再次咁投入的話，我又要好似舊年咁用好長時間先習慣到冇你既生活。

I just can't live with you.

直到呢一刻，我都知道自己放低唔到你。
不過我實在清楚明白我同你係冇可能，而且我都冇向過呢方面諗。
我希望，我地一生都係朋友 :)

終於看完我可能不會愛你

感覺上，故事有點相似但我們可能沒這般親密
反正希望十年後我們能像男女主角般
而且我們的結局應該不可能像他們的結局吧

還記得在中二的暑假你要去英國
我裝作睡不著，等你等到早上五時
只是為了聽見你說你平安到了英國

然後在中四到長洲前的那一晚我開始發燒
你就不停打給我，問我情況怎麼樣
然後在那天你給我帶退燒藥

在中五行AYP時，你總會記得打電話來問候我
在西貢聊電話到你電話沒電
你說要逗我開心，讓我不要在打電話回家時哭
只有你一個，從頭到尾都記得我在行山

有一次，家人大吵一頓，實在很煩
然後我就禁不住地哭
還記得我哭著打給你時，連自己是誰也沒有說
你又在逗我開心，跟我說著無聊的事

你離開前，跟我說過家中有甚麼事都可以找你
我忍著淚水，直到你入閘後，我眼淚才不由自主地流下來
自知道你要到英國讀書後，我每天都失魂落魄
感覺上就是靈魂不在肉體中

在聖誕時，跟你的感覺很尷尬
我還以為，我們以後都當不成好朋友

但在我到英國後，第三天就收到了你的電話
你聊到不肯收線
然後我們見面時又在聊人生，甚麼都聊
一生中第一次爆分鐘，就是因為跟你聊得太多

昨天晚上，就在我準備睡前，你又打來了
又把我的睡眠時間推遲了一小時
今天你又不斷打來，我的call log又再次充滿了你

多年來三天一小吵，五天一大吵
然後和好
也許這就是好朋友吧

因為我太了解你，所以我要讓自己每天都努力地不愛你
我告訴自己，我喜歡的是_____，不是你
因為我知道，我們只能是朋友
而且寧願留下友情，情份更是永久

我想我應該 應該不會愛你
為了要努力 努力的不愛你
所以我讓 自己那麼喜歡你
這樣你就不忍心 和我分離

我想我討厭 討厭驕傲的你
也討厭美好 美好的那個你
於是我要 自己假裝討厭你
那麼你就捨不得 離我而去

我必須說 我真的 不會喜歡你　
我不喜歡 你佔據我 所有思緒
連你的竊笑 也像是鼓勵
從早安後的早餐 到晚餐後的晚安
別笑了 別笑了 我不會喜歡你

我放空了 我解脫了 你還是在我的眼裡
我喜歡了 我討厭了 影響不了我的呼吸
原來我 已經無法自拔 我秘密的愛上你

你不必懂 我真的 不會喜歡你
我不想要 你因為我 變得消極
有你的城市 下雨也美麗
從黎明後的太陽 到深夜裡的月光
別想了 別想了 我不會喜歡你


別想了 別想了 我不會喜歡你

反正我有點害怕，自己一生再找不到我這般喜歡的人

我實在每天都很努力地不愛你

其實我係grad din之前都以為自己已經冇野
係英國臨走之前, 我都同KC講過, 我知自己唔可以再同佢咁close
如果唔係會中伏

而我係英國真係基本上忘記左呢個人...
所以我以為返到香港會冇野

點知一見面... 唉

我而家淨係想自己一個靜下, 無奈地之後幾日都好多野搞

其實我好似曾經好多次以為自己已經放低左Kenny Chow

由舊年你走果刻開始，我就已經同自己講，要忘記呢個人
到之後返學，可能因為有Chris，其實我好快就習慣左冇你既6A
雖然係有d空虛，覺得身邊好似少左個好朋友同戰友，但好多時都好快就冇野

直到你聖誕返黎，我係期待左好耐，但見面果陣又發現好似已經去唔返以前咁
當時我以為自己已經冇左呢個曾經既好朋友

佢返黎之前，我地都仲有keep住email聯絡，但過埋聖誕之後可能因為感覺實在太陌生，加上又要考試，所以基本上都可以話有幾個月再冇聯絡
直到考完之後我話會去英國，起初我見到佢唔覆仲以為佢唔想見我，諗住算啦
點知原來好似只係睇唔到，之後好快就約左時間地點(好好彩有Jubilee Half Term)

我黎左既第三日佢已經打黎話想傾電話，其實我有d受寵若驚，仲要一傾傾左好耐
可能因為係香港啱啱先同Chris傾完咁長電話，當時都仲諗緊我同Chris之間既關係，所以唔算好想同佢傾
不過我都係同佢講左好多野

佢都係一如以往咁話Chris唔係好人，我知佢係為我好 :)
之後都仲有再傾過電話，而且出黎果陣都傾左好多野
我發現其實自己都唔係真係咁鐘意Chris，可能真係當左佢係水泡，加上習慣左所以先以為自己鐘意佢
返香港之後我會被動d

傾左好多關於佢係Boarding House生活既慘況，佢話返香港唔會再講，知道咁多關於一個好朋友既野真係好開心，起碼佢都當我係好朋友 :)

仲有真係傾左好多有關價值觀同埋生活態度既野，某程度上我同你既想法都幾接近，起碼好過同Chris傾好多

雖然果日傾既野係有d負面，但之後真係有得著，同埋引導我應該點樣係大學生活

第一次爆分鐘，竟然係因為同你傾得太多，真係一件發夢都唔會發生，但係現實真係發生左既事

我都係決定要同你做一世既好朋友，起碼唔會關係決裂 :)

你對我而言，從來都係特別既一個 :)

至於Chris... 唔強求了 :) 到機會來臨既時候再諗
反正我唔會再係主動既一方

原來我地係2011年3月11號開始一齊坐:)

今日一齊打羽毛球(你應該悶死:P)，之後做gym，食飯，我無野做係度hea食，食左成個鐘 :D
跟住你竟然提出繼續hea

聽到你話唔記得我地去澳門果下其實有d失望(不過唔排除你扮野啦)，不過之後係通利hea左好耐(令我諗返起我以前同kenny chow都曾經試過)，係度玩無聊野 ;D
無諗過你會打比我，同我講oral好驚(雖然我會諗係咪因為黃俊浩返緊工，but better than nothing :D)
因為咁小事，我竟然開心左咁耐 ;D

去英國之前解決?

我發現自己鐘意你既程度遠比我想像中低 :D
今日唔只一次掙扎過，但結果係否定既。

我諗我知你鐘意我的話我唔介意做主動果個，但係呢一刻我咩都唔知既時候冇乜野可以驅使到我同你示愛...

其實你真係好多缺點，基本上仲有係幾難頂果d...
我都唔知，being so confused :(...

面對住幾日後一個可能將會成為自己人生轉捩點既約會，有幾日失眠在所難免......

我知道只要有人對我好少少，我就好容易中伏，因為好少人會關心我、對我好......
所以我希望大家唔想令我中伏就唔好對我咁好 :)

我希望果日，可以拖住你隻手溜冰 :)

又過左一個月喇。好意外地，我竟然冇忘記過你。
今日同你第一次同一個試場考試，d感覺又返哂黎。
一齊走既時候，雖然感覺有d怪，但係好彩都好自然冇乜野。
不過去到你要縛鞋帶叫我聽左你個電話既事實，我又再一次覺得有d怪。
因為我覺得呢樣野其實幾女朋友。
至少其實你可以比第二個聽，唔駛比我。
你比我令我覺得，有d似女朋友幫男朋友聽電話咁。=______=

其實自從上次聽到中中話我地班有第三pair，我真係唔只一次係到諗，究竟果pair關唔關我事...
條件上完全吻合，同埋真係唔知係咪我自己諗多左，我覺得你對我真係有d野架。
當然呢d都要DSE後先證實到啦。

所以結論都係要考好d!

聽日就last day喇。

我希望時間過得慢d，希望時間停止，除左係因為我唔想面對自己以後都冇機會咁樣坐係班房上堂，更加係唔想決定自己應唔應該送份禮物比你。
呢份禮物原本係想還返去澳門既船飛比你，但我覺得好似係自己搞到個性質唔同左...

其實我覺得，經過一個HKDSE兩個月唔見之後，我會連你係邊個都唔記得左。
但係至少呢一刻，我對你可能有少少既唔捨得。
(之前我真係一直都好enjoy同你坐，但呢兩日坐得好辛苦)

曾經，你為左我離棄另一個人調位同我坐。
今日，你為左同另一個人坐而離棄我。

我知道，如果你今日成日都調左位的話，我會好決斷咁決定唔送份禮物比你，甚至同你做返好普通既hi-bye friend算。
但你又淨係走左兩堂喎...

之前你做既好多野，老實講，都令我覺得你對我可能係有d好感。
(例如去海洋公園、去澳門)
但呢排，大家都好似變左少少。
我覺得，對比於同其他異性朋友相處，我同你之間多左d隔膜。
係因為唔夠熟，定因為雙方都有d其他想法... 我唔知。

睇黎我今晚，要好好諗下聽日應該點同你講野。
係時候無論如何都要主動少少。

雖然，我都唔知點解自己會鐘意一個人格上有問題，仲要成日串我既男仔。

雖然有時我覺得單獨相處你對我係好過係班房好多...

我不得不承認，自己好容易因為「習慣」而對一個人有好感。

三年前，第一次因為習慣，而覺得自己鐘意左一個人，果種感覺仲要持續左幾年。
兩年前，第二次因為習慣，而覺得自己鐘意左一個人，雖然果個人根本唔值得我鐘意。
今次，係第三次。

而最好笑既係，當呢d「已成習慣」既行為消失左之後，我對果個人又會冇左以前果種感覺。
三年前果個，去左英國幾個月之後，我連溝通都唔想。
兩年前果個，我已經差唔多唔記得左佢。
咁今次呢?

可能真係因為坐得耐左，溝通多左，你又對我幾好，搞到我不知不覺建立左d好感。
感情是，每日堆積的愛。

可能是，沒痕跡的戀愛。
最怕係我認真左，你根本對個個都係咁...

和你能扮演好友 男士那般搭膊頭

其實我一開始，冇諗過會同你去得成澳門。

雖然果日你冇咩planning，搞到結果好似哂左張船飛咁；
雖然我不得不否認我好唔鐘意冇planning既男人；
但係我不得不承認，果日我其實幾開心。

可能對於你黎講，一男一女單獨去街係一件普通既事（不過我諗你唔係完全冇野），但對於我黎講意義重大。

果日我地輪流比錢，其實感覺真係幾似情侶。

同埋每一次同你傾計，感覺上好似又更了解你　:)

唔通我真係開始鐘意左你?

星期五真係同你去得成澳門! :)
(雖然我諗起都有d驚)

雖然結果我地成一點先出發，但係都希望果日玩得開心啦:$
(希望食埋夜晚飯先返啦)

其實，我好驚自己鐘意左你。

現在的我只能說是對你有點兒好感，談不上喜歡，更不要說愛你。
可能是你有時候對我真的很好，令我漸漸對你產生好感。
假如我們真的一起去澳門，我想，我們的關係可算是踏出了一大步。
(不過我覺得一定不會去得成)

至於另一個你，我不明白你為何要故意在我面前說他的壞話。 :)
雖然知道下次見你已是7月的時候，有輕微的不捨，可是，我卻沒興趣再見你了。

其實我不知道自己究竟希不希望能夠跟你去澳門，我在等你約我。 :D